منتديات ملاك الوفاء محمد

هلا وغلا في منتديات ملاك الوفاء
لوعلمت الدار بمن زارها فرحت واستبشرت ثم باست موضع القدمين وأنشدت بلسان الحال قائلةً اهلا وسهلاً بأهل الجود والكرم هلا وغلا نورتونا نحن سعداء جدا لاختيارك بأن تكون واحداً من أسرتنا و نتمنى لك الاستمتاع بالإقامة معنا، تفيد وتستفيد ونأمل منك التواصل بإستمرار



منتديات ملاك الوفاء محمد

منتديات ملاك الوفاء محمد :افلام عربيه،اجنبيه،كليبات عربيه،اجنبيه،احدث الالبومات الغنائيه, الشعر,الرياضه,المرح,الترفيه,الموضه,المطبخ,الديكورات,الاخبارالسياسيه والاقتصاديه
 
الرئيسيةالبوابة*اليوميةالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» سيرياتوك " سيريا توك " سيرياتالك " سيريا تالك " تحميل برنامج سيرياتوك SYRIATALK.RED
13.02.17 13:41 من طرف سيرياتوك

» طلال مداح ــ ذا اللي حصل من بعد ــ عود
30.01.17 11:49 من طرف عمر الهاشمي

» الورد_ وردة الجزائرية
30.01.17 11:39 من طرف عمر الهاشمي

» يا ظالمني وردة الجزائرية
30.01.17 11:23 من طرف عمر الهاشمي

» ليت الزمان يعود
23.01.17 0:14 من طرف عمر الهاشمي

» يا خلي القلب يا حبيبي عبد الحليم حافظ
26.12.15 11:52 من طرف د-حسام السياني

» عبادي الجوهر - جلسة تاريخية
12.12.15 15:02 من طرف ملاك الوفاء

» انكسار. محمد محضار
15.08.15 17:13 من طرف ليل الشوق

» ستار الغموض. نص لمحمد محضار
14.08.15 17:16 من طرف ليل الشوق

» طلب أغنية
10.02.15 6:12 من طرف hossamhba

»  16 رائعة في أجمل جلسات العـقـد الأول من الألفـية على الإطـلاق ..
09.11.14 4:31 من طرف juvepirlo

» ما هى افضل مقدمة موسيقية فى تاريخ الاغنية العربية؟
06.10.14 11:38 من طرف ايهاب محمد اسماعيل سلامه

» فارس الغد المرتقب :شعر الشؤبينى الاقصرى
10.09.14 21:01 من طرف ملاك الوفاء

» قوانين وأنظمة ملاك الوفاء
09.07.14 5:09 من طرف زبيدة

» نزار قباني - الرسْمُ بالكلِمَات إذا تصفحت يوما يا بنفسجتي
07.06.14 21:35 من طرف drali

» مفهوم الحقيقة
19.05.14 13:11 من طرف الركـ الهادئ ــن

» شعارات وطنية ..لمسرحيات زائفة/للشربينى الاقصرى
19.05.14 13:08 من طرف الركـ الهادئ ــن

» لماذا يضع الرسول صلى الله عليه وسلم يده اليمنى تحت خده الأيمن؟!
28.01.14 8:42 من طرف حامد شاكر

» لا تبخل على والدتك بقراءة هذا الدعاء
28.01.14 8:35 من طرف حامد شاكر

» طلبات الاغاني العربيه اطلب اي اغنيه او البوم و بتكون عندك
25.01.14 5:59 من طرف محسن الفهيدي

» طلب اغنية
25.01.14 5:51 من طرف محسن الفهيدي

» قبل وضع طلب اغنية ادخل هنا
25.01.14 5:45 من طرف محسن الفهيدي

» الإعجاز فى (قلوب يعقلون بها)
18.01.14 22:53 من طرف امير-2020

» فتاة مسيحية تسأل الداعية الإسلامى أحمد ديدات عن الحجاب و الرد رهيب
18.01.14 22:14 من طرف امير-2020

» وبتسافر
10.01.14 7:10 من طرف Rosette

» نسيتوني وفتوني _وردة الجزائرية
10.01.14 6:56 من طرف Rosette

» نسيتوني وفتوني _وردة الجزائرية
10.01.14 6:53 من طرف Rosette

» شمس الخريف_وردة الجزائرية
10.01.14 6:49 من طرف Rosette

» وردة الجزائرية ــ أيامنا عيد كاملة.
10.01.14 6:44 من طرف Rosette

» ألبوم لموسيقار الأجيال محمد عبدالوهاب من أد إيه كنا هنا
01.01.14 11:59 من طرف محمدالغول

اخترنا لك
المنتدى السياسي & الإقتصادي
 
منتدى التقنيــــــــة
 
إستراحة المنتدى
 

 

 
 
المواضيع الأكثر نشاطاً
للترحيب باعضائنا الجدد هلا و مرحبا فيكم
طلبات الاغاني العربيه اطلب اي اغنيه او البوم و بتكون عندك
إبـدآعَ وفنَ ...
تبريكات التميز والاشرفات هنااااا
تبريكات اعياد الميلاد هناااااااااا
سجل حضورك باسم عضو تحبه
الي بيطول الغيبة يدخل هناااااا
أسألكم ما هي أفضل أغنية عربية بكل الاوقات بالنسبة لكم؟
طريقة ممتازة لاي تغيير تريده
ما هى افضل مقدمة موسيقية فى تاريخ الاغنية العربية؟

 

 

 

 

  

 

 

 

 

 


شاطر | 
 

 قضايا قرأها الزمن قبل كتابتها كاملة الاجزاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملاك الوفاء
الادارة
الادارة
avatar

- - :
لا صار حلمك في يد الوقت والناس
لا الناس تفرح لك ولا الوقت يرحم !
أغسل يدك من حلمك بموية اليـأس
وأهرب بلا حلمك .. عسى بس تسلم

. : حآآولت  أح ــبك زووود عن كل هالنآآسوأثري نــــ (س) ــــيت النآآٍس من زووود ح ــبك
انثى
عدد الرسائل : 30773
جنسيتك :
تاريخ التسجيل : 25/10/2007

مُساهمةموضوع: قضايا قرأها الزمن قبل كتابتها كاملة الاجزاء   14.07.09 16:07

قضايا قرأها الزمن قبل كتابتها كاملة الاجزاء






قسوهـ وألمـ .. وحرمانـ وندمـ .. وصبر وعنا .. كثر شعر الرأسـ واكثر قضايا جروحـ وعذابـ فيـ المجتمعـ .. حسافهـ!!.. حسافهـ يا زمنـ الليـ قرأتهـ بينـ صفحاتكـ كلهـ .. قليلـ الليـ تحصلـ فيهـ الهنا .. ومايبقى غير الأملـ .. فيـ قضايا قرأها الزمنـ .. واكتبها اليومـ على الورقـ .. بحبر جفـ منـ القلمـ .. فيـ قصتيـ قضايا قرأها الزمنـ قبلـ كتابتها .. قضايا .. صدى صوتٍـ فيـ المسامعـ لكنهمـ فيـ القلبـ شظايا ..,,



~*¤ô§ô¤*~البارتـ الأولـ~*¤ô§ô¤*~

بسم الله الرحمن الرحيم ..

نزلت بسيل من على الدرج بالسرعه .. بوجهها البشوووش اللي يرد الروح من الصبح: صباح الخييير ماماتي واخووووي العزيز
وراحت باست امها على راسها..,,
باسل: وانا اخوووج مالي رب؟؟
بسيل: بلى ربك فوق ..
باسل: في هذي ما اقدر ارد عليج ..
بسيل قعدت على الكرسي اللي صوب باسل: بسوول حبيبي
باسل: الله يستر وراها شي!!
بسيل: وصلني بلييييز
باسل وهو عاقد حواجبه: وين بتروحين من الصبح؟
بسيل: بروح اشوف الشغل قبلوني والله لا
ام باسم: اخذ اختك مكان اللي تبي عاد مرة وحدة من غير ما تذل نفسها لك
باسل: ههه أي شغل فيهم؟
بسيل: المجله ..
باسل: ووين سيارتج بالله عليج؟
بسيل: خربااانه .. يا ربييييي تحقيق
باسل: هههه
وقام باسل وقف: يالله مشينا
بسيل قامت تركض: دقاااااااائق بس البس عبايتي والشيلة ..
باسل بصراخ: خمس دقاااائق اذا ما وصلتي بمشي ..
باسل وهو يكلم امه: يالله فمان الله
ام باسم: فمان الرحمن .. ربي يحفظكم ..
وراح باسل السيارة ... ونزلت بسيل وهي حاملة اوراقها تبوس امها على راسها: ادعي لي يمه
ام باسم: الله يوفقج يا بنيتي .. ويعطيج اللي ببالج ..
وطلعت بسيل بالسرعه وهي خايفة ان يكون مصيرها مثل كل مرة ما يقبلونها بالشغل ..,,

بطلة قصتنا هي اللي بتصارع قضايا وقضايا من المجتمع .. شخصيتها حلوة وحبوبة .. ومعاملتها مع الناس احلى واحلى .. حنونه .. عمرها .. 21 سنة .. في تصرفاتها كأنها بيبي .. لكن عقلها يوزن بلد .. ما شاء الله عليها .. حلوة .. بيضاء وعيونها فيهم كبر ولونهم بني غامق .. وكأنها مكحله ما شاء الله عليها .. ورموشها طوال لايقين على عيونها .. واسمها بسيل ومعناه .. الجرأه والشجاعه .. ننتقل للشخصيه الثانية واللي بتكون ارق واحن قلب على بسيل وتشجعها على كل شيء وتساعدها هي امها .. ام باسم .. طيبه وحنونه وجميلة ما شاء الله عليها حتى في كبرها .. ومنها ورثة بسيل كل الطيب والحنية والجمال .. وابو بسيل مات من يوم كانت بسيل صغيره .. عمرها 3 سنين .. الله يرحمه .. وباسم ... يمكن ما يكون ليه دور كبير في القصة بس هو احد الشخصيات اللي بتمر علينا من عائلة بسيل .. بس هو متزوج بنت عمه اللي من الكويت وعايش معاها هناك وعنده بنت صغيرونه حلوة نسخه من بسيل اسمها " جوان " .. وشغله هناك وقليل لما يزور عائلته في البحرين .. وهو الأخ الأكبر لبسيل وعمره 26 سنة .. وما بقى غير باسل .. شخصيته فيها من شخصية بسيل يمكن لأنهم على الطول مع بعض .. بس اللي يميز باسل في البيت ان يحاول قد ما يقدر ينسيهم الاحزان والآلام اللي مرت عليهم ويعيشهم الفرح .. ويخلق لهم جو الضحك والفرفشة والوناسة .. وعمره 23 سنة .. ,,

نرجع الى بسيل وباسل اللي في السيارة ..
باسل: للحين في راسج الشغل؟؟
بسيل: والى باجر
باسل: عنييده
بسيل: وراسي يابس وكيفي
باسل: زين كيفج .. الحين بنزلج بالشارع وقولي كيفج
بسيل: تسويها انت وتطلع له لسانها
باسل: بسيل ما يأستين من مكان الى مكان تدورين لج عن شغل؟؟
بسيل: لا عمر الانسان ما يتخلى عن الأمل .. وبعدين الله كريم ما بينسى عباده .. وابتسمت له
باسل: الله يوفقج يا احلى اخت بالدنيا كلها ..
بسيل: الله يوفق الجميع ..
ووصلوا الى باب محل المجله ..
باسل: انتظريني عند البوابة .. ببركن السيارة وبنزل لج اوكي
بسيل: لا ما عليك آنه بكمل شغلي بنفسي واذا عندك شغل روح وبعدين اتصل فيك
باسل: لا ما عندي شغل .. وفاضي الحين وانتي سوي اللي قلت لج عليه ولا عليج اوكي؟
بسيل: اوكي ..
فتحت باب السيارة ونزلت تنتظر اخوها على الباب مثل ما قال لها .. وهي تطالع الناس اللي تدخل وبإيدها اوراقها .. كل هذلين الناس يبون شغل .. بس الشغل وينه ؟؟ .. آه يا ربي ان شاء الله يقبلوووني .. والله تعبت .. ووصل لها باسل من وراها ..
باسل: يالله سرينا
مشت بسيل بصمت مع باسل .. وهي تدعي ربها من كل قلبها ان يقبلونها في الشغله اللي اختارتها ..,,
وصلوا مكتب الانتظار .. وكانوا هناك ناس شكثر .. بنات .. شباب .. كبار .. صغار .. الكل ينتظر يوصل له الفرج وينفتح باب المكتب عشان يوصل دور اسمه .. لما وصل اسم بسيل ..
السكرتيرة: بسيل محمد
الكل كان مستغرب من الاسم ويطالعها بإستغراب .. قامت وهي كلها جرأه ..
بسيل: بتدخل معاي؟
باسل: لا بنتظرج هني .. وGood luck
تقدمت بسيل للمكتب .. وفتحت الباب .. تقربت اكثر وقعدت على اقرب كرسي لها .. بس ارتاحت لما شافت اللي قاعد على المكتب .. يبان عليه طيب .. اووه وآنه شعلي منه طيب والله لا !!.. ان شااااااء الله بس انقبل .. واخلص ..,,
أحمد: اهلين اختي بسيل
بسيل: هلا
أحمد: عندج اوراق زود على اللي قدمتيها؟؟
بسيل: أي .. ومدت له الأوراق اللي في إيدها ..
قعد أحمد يتطلع عليهم .. عجيب امر البنت متخرجة صار لها جم شهر .. وشهاداتها اوكي الحمد لله .. وللحين ما توظفت !!..
أحمد: انتظري الاسبوع اللي بعده وراجعيني في المكتب نفسه
فتحت بسيل عيونها على الآخر: الاسبوع اللي بعده!!
أحمد: ههه .. لا اختي .. خلاص تم قبولج عندنا هني بالمجلة .. ومن باجر بداية الشهر تقدرين تداومين وتستلمين شغلج ..
بسيل ارتسمت على وجهها ابتسامه: تسلم اخوي ..
أحمد: ما سوينا شي
وطلعت بسيل إلى أخوها ..
بسيل: قوم نروح البيت خلاص
باسل: قبلوج والله لا؟
بسيل: الله كريم
ومشت عنه بسيل .. وهو مشى وراها .. ركبوا السيارة واثنينهم ساكتين ..
باسل: شفيج .. زين يوم ما قبلووج في ألف شغل غيره .. الدنيا ما وقفت الحين .. ومثل ما قلتين الله كريم .. واكيد بتحصلين شغل غيره
بسيل وهي كاتمة الضحكة: بس !!
باسل: بس شنو؟
بسيل بصراااااخ: قبلوووووووووووووووني
باسل: قوووووولي والله؟؟
بسيل: من متى وآنه اجذب عليك عشان احلف لك بعد!!
باسل: هههههه زين زين مبروووووووك غلاي
بسيل: الله يباااارك فيك يا ويه الخير انت .. بس انت اخذتني لمكان الشغل قبلووووني شفت
باسل: احم احم .. يوم ويهي خير اول معاش تاخذيني اتعشى على عشاء سنع
بسيل: بس عشاااااء .. لو تطلب عيوني فداااااك
باسل: تسلميين يا احلى اخت بالدنيا ..
وقعدوا في السيارة كل واحد يقول الى الثاني كلمة من صوب .. لما وصلوا البيت ..
بسيل: بنزل ابشر ماماتي بااااي
باسل: وانا بروح الشغل
بسيل: تحمل بروووحك
باسل: وانتي اكثر
نزلت بسيل ودزت له بووسة في الهواء ..
ضحك على حركاتها باسل ومشى عنها ..
دخلت بسيل البيت بصراخها كالعاده: يمـــــه يمــــــه يمـــــــه يمــــــه
ام باسم: عن تطيح بلاعيمج يا بنتي شوي شوي
بسيل: هههههههه فديتج يالغلا كله انتي
ام باسم: لا الظاهر خير اليوم
بسيل: الخير بويهج يالغلااا .. قبلووني يمه احم احم
ام باسم حضنت بنتها وباستها ..,,
ام باسم: مبروك يمه
بسيل: الله يبارك فيج ..
وركبت بسيل غرفتها .. والافكار ببالها .. واخيــراً قبلووني بالشغل .. اكيد بستااااانس فيه .. وخصوصاً انه كان اختياري ..وياليت يعطوني المجال اللي ابيه .. ياااااي بكون وناسه .. والحين اكيد بساعد في مصروف البيت اللي حمله كل على ظهر اخوي باسل .. يعني بتتحسن حالنا ان شاء الله .. الحمد والشكر لك يا رب .. وقامت صلت لها ركعتين .. تشكر فيها ربها .. ومن بعدها نامت .. لأنها ما نامت امس من التفكير !!.. قعدت على صوت اذان الظهر .. وصلت صلاة ربها .. وقرأت لها قرآن شوي ونزلت الى امها ..,,
بسيل بصراخ: يمـــه يمـــه
ام بسيل: هني آنه يمه بالمطبخ
تقربت بسيل الى المطبخ: شطابخه لنا اليووووووم
ام بسيل: اللي يحبه قلبج
بسيل وهي تلوي على امها من وراها: اصلاً كل شيء منج يحبه قلبي
ام بسيل: فديتج .. وين اخوج للحين ما وصل من شغله ؟؟
بسيل: باقي على دوامة ربع ساعه تقريباً ..
ام بسيل: ساعديني عجل في الغذاء خل نخلص قبل لا يوصل ..
بسيل: ان شاء الله ..
وقعدوا مع بعض يكملون اللي بقى على الغذاء .. ودخل عليهم باسل بعد فترة .. وكانت بسيل تسوي السلطة ..,,
باسل: سلام عليكم يا جماعة الخير
ام باسم: عليكم السلام ..
بسيل: وين جماعة .. الا ثنتين
باسل: بس مالين عيني وجماعة وكيفي
ام باسم: ههه كل يوم هالموال يعني .. روح يا وليدي غسل و بدل ثيابك وصل وانزل للغذاء
باسل: ان شاء الله يالغاليه .. عن اذنكم .. واخذ له خيارة من اللي بإيد بسيل .. وضربته بسيل على خفيف على ايده: كخ بابا
باسل: كيفي انا كيفي ماما
وراح عنهم فوق .. وقاموا بسيل وامها يجهزون الغذاء على ما ينزل لهم باسل ..
ام باسم: متى بتداومين في شغلج؟؟
بسيل: باجر لأنه اول الشهر بكون
ام باسم: فديتج من باجر عاد؟؟
بسيل: أي
ام باسم: الله يوفقج ان شاء الله
بسيل: فديتج كثررري من هالدعاوي الحلوة منج ..
ابتسمت لها امها: اخذي العصير بس لا تكثرين سوالف
بسيل: الحين آنه شقلت عشان كثرررت سوالف؟؟
باسل دخل عليهم: فديت اختي الدلووعه .. وين الغذاء .. جوعااااااان انااااااااا اليوم
بسيل: بل بل بل شمسوين فيك اليوم بالشغل ؟؟ ..
باسل: استوردوا مني الأكل للموظفين
بسيل: خفيف اخوووي
باسل: طالع عليج ههه
ام باسم: لا بالله اليوم كلينا الغذاء
باسل: لا كل شيء ولا الغذاء .. مشينا نروح نتغذى بس
ام باسم يا كبر الفرحة في قلبها لما تشوف باسل وبسيل شلون معاملتهم الى بعض .. وكأنها متطمنة عليهم من الحين .. وكل ما تشوف حالهم .. تشهد لنفسها والى رجلها الله يرحمه إنهم عرفوا يربون ..,,
التفتت لها بسيل وشافتها ما تاكل ...
بسيل: شفيج يمه ما تاكلين؟؟
مدت ام بسيل ايدها وسمت بسم الله وبدأت تاكل وياهم ..,,
باسل: بسووله سيارتج متى تجهز؟؟
بسيل: أي صح اليوم بروح معاك الكراج وناخذها شرايك؟
باسل: خلاص صار ..
وكملوا غذائهم بصمت .. لأن ام باسم معودتهم انهم ما يتكلمون على السفرة .. وعقب الغذاء اجتمعوا بالصاله كالعادة عشان يشربون الشاي مع بعض ..,,
بسيل: اشتقت الى باسمووو
باسل: هيه هيه رجال شكبره شعرضه تقولين له باسموو عيب يا بنت
بسيل: كيفي آنه كيفي .. اخووي وحرة شلون اسميه .. وطلعت له لسانها ..,,
ام باسم: الله يوفقه مع بنت عمه وين ما كان ..
بسيل: اشتقت الى جوانوووو فديتها بنت اخوووي القمر
باسل: لأنها طالعه عليج من جذي قمر
بسيل: فديتني والله
باسل: لا تصدقين عمرج وايد وقومي جهزي روحج لا ما آخذج عشان تاخذين سيارتج ..
بسيل: اففف منك لازم يهدد اذا بياخذج مكان
ام باسم: هههههه وآنه مو مئة مرة قايلة لك اذا بتاخذ اختك لا تذلها وياك ..
بسيل: احم احم سمعت كلام ماماتي ..
باسل: أي قالوا لج اصمخ ما اسمع يعني !!
بسيل: بس خلاص عجل مرة ثانية اذا قلت لك اخذني مكان قول اوامرك طاعة وبس ..
باسل: اوامركِ طاعة وبس ..
بسيل: ههههه فديت اخوي الاهبل
باسل: والله محد غيره اهبل اللي بياخذج
بسيل: اوووه بسول اني معاك شدخله هو مسكين
باسل: اوه تدافع عنه من الحين الإخت .. بسج هدررة زايدة وروحي لبسي عبايتج ولحقيني انا بالسيارة اوكي برنسيسة؟؟
بسيل: اوك سائقي ..
كان باسل بكب عليها الشاي اللي في ايده بس بسيل تلاحقت على عمرها وشردت فوق .. ولبست عبايتها والشيلة وحطت لها قلوز على خفيف وطلعت الى اخوها اللي كان ينتظرها بالسيارة ..
باسل: مصدقة روحج مع هالويه إني سايقج اظل انتظرج سنه في السيارة
بسيل: بل بل بل عليك .. مو اخوووو عدو لا إله إلا الله ..
حرك باسل السيارة .. وبسيل مو عاجبنها الوضع .. ما تحب تقعد وهي ساكته .. قعدت تتعبث في الاغراض اللي بالسيارة ..
باسل: شتسوين انتي؟؟
بسيل: اكشف على سيارتك .. مو سيارة هذي غرفه ..
ضحك باسل على تعليق بسيل ..
بسيل: عطر ومشط وكريمااات .. وووو .. الخ .. عنبووووو وين داخلين؟؟
باسل: كيفي انا كيفي
بسيل: اذا رجعنا البيت بعدل لك سيارتك .. بصراحه اللي يدخلها يمووت
باسل: فيج الخير ههه ..
بسيل: وصلنااااااا .. هذا هو الكراج ..
باسل: ادرررري ان هذا هو ..
بسيل عطته نظره ..,,
باسل: يمه منج .. انا بنزل بشوفها لج وبرجع اوكي؟
نزل باسل وخلص باقي اجراءات السيارة مع الكراج .. وراح الى بسيل في السيارة ..
باسل: روحي اخذي سيارتج .. وانا عندي مشوار مهم اقضيه وارد من بعدها البيت ..
بسيل: ما اقدر آنه ع المشوار المهم .. بس لا تنسى ترجع بالسرعه عشان انظف سيارتك .. بصراحه من قلب ناوية عليها اليوووووم
باسل: ههههه لا تخافين بسلمج اليوم امرها ..
ونزلت بسيل .. وركبت سيارتها .. وقالت بتمر في طريقها تسلم على صديقتها الروح بالروح " سارة " .. طقت الجرس طلع لها اخوها الصغير ..
بسيل: وين اختك سارة
سلمان: داخل
بسيل: فديتك روح نادها لي
سلمان: زين
دخل سلمان وهو ينادي: سارووووو ساروووو
سارة: عيونهاااااا
سلمان: بنية تبيج بره
سارة: من هي؟؟
سلمان: يمكن بثيل
سارة: ههههه قول بسيل مو بثيل ..
وراحت الى الباب ..,,
سارة: حي الله ما جانا
بسيل: الله يحييج ..
سارة: دخلي دخلي ..
ودخلوا قعدوا في غرفة سارة ..,,
بسيل: افففف منج لو ما اسأل عنج ما تسألين مع هالويه
سارة: شسوي اذا آنه بيزنس ومن
بسيل: جب جب .. شخبااااااارج بس
سارة: بخير الحمد لله وانتي؟؟
بسيل: الحمد لله عايشييييييين .. ومن باجر بداوم
سارة: تداومين في شنو؟
بسيل: احم قبلووووني في مجلة "..." ..
سارة: والله؟ زين زين مبرووووك قلبوووو
بسيل: الله يبارك فيج .. افف واخيراً
سارة: يالله عقبالي بعد .. شنو تشربين؟؟
بسيل وهي توقف: سووووري الحين لازم ارجع البيت ..
سارة: مافيه حبيبتي تتعشين وياي اليووووووم
بسيل: حرام عليج امي ما تدري إني جيتج بالأساس ..
سارة: اتصلي فيها واعرفها خالتي ما بتقول شي
بسيل: بليييز سارو مرة ثانية اوعدج ازورج بس اذا زرتيني اوكي؟
سارة: بزعل منج الحين
بسيل: مو سارة اللي تزعل من بسيلووو وبعدين مواعده اخوي انظف له سيارته .. الله لا يراويج وياها بس
سارة: هههه دام السالفه فيها باسل الله وياج
بسيل: الحين آنه اللي ازورج وتقولين لي باسل .. مالت بس مالت .. يالله اخليج تحملي بروحج ..
وباسوا بعض ..,,
سارة: وانتي اكثر وبالتوفيق لج في شغلج ..
بسيل: ان شااء الله .. وبالتوفيق للجميع ..
ووصلتها الى الباب .. وركبت من بعدها بسيل سيارتها واتوجهت الى بيتهم اللي ما كان بعيد وايد عن بيت سارة .. ووصلت مع باسل في نفس الوقت ..
باسل: غريبه توج واصله؟
بسيل: مريت على سارونه وقعدت معاها شووووي وبس
باسل: شخبارها؟
بسيل: استح عاد .. تبي البنت روح اخطبها زين ..
ومشت عنه ..
باسل: وسيااااااااااااااارتي؟؟
بسيل التفتت له: أي صح عطني المفتاح وبعدين برجع لها ..
وأخذت المفتاح من عند باسل .. مرت على غرفة أمها لقتها نايمة مثل كل يوم العصر .. وراحت غرفتها بدلت ثيابها وطلعت ترتب سيارة باسل من داخل .. وباقي بس تنظيفها !!.. راحت غرفة باسل .. وطقت الباب .. سنه لما فتحه لها ..
باسل: هلا
بسيل: لو ما فتحت الباب يكوووون احسن
باسل: ههههه ..
بسيل: اضحك اضحك .. روح شوف سيارتك من داخل بس شلون مرتبه .. وبعدين اخذها المنظف خل ينظفها من داخل ومن بره ..
باسل: الله يستر بس شسويتين بسيارتي
سحبته بسيل الى السيارة: شوف بس من داخل وقول الله يستر شسوييييت في سيارتك ..
دخل باسل السيارة .. شاف فيها اشياء جديده .. مزينه بس بشكل صبياني .. وحطت له كل اشيائه في علبه حلوة من العلب اللي عندها في غرفتها ..
بسيل: شنو رأيك فيها؟؟
باسل: احم .. والله خلاص بقول لهم يشغلونج في محل سيايير وتصممين لهم ستايلات الى داخل السيارة
بسيل: ههه لا ارجوك ما ابي الشغله .. شغلتي اللي حصلتها عاجبتني وخلاص
باسل: هههههه فاضحة عمرها بالشغله اللي حصلتهااا وهي للحين ما داومت ..
وهني يأذن ..
بسيل: الله اكبـــر .. يالله روح صل بالمسجد وآنه بروح اقعد ماماتي للصلاة و اروح اصلي
ومشى باسل في طريقه الى المسجد .. واما بسيل مرت على امها تقعدها من النوم عشان الصلاة ..
بسيل: فديتج ماماتي بسج نووم .. قومي صلي
ام باسم: من متى اذن؟
بسيل: قبل شوي بس ..
ام باسم: خلاص انتي روحي صلي وآنه بعد بقوم
وراحت بسيل غرفتها صلت .. وقرأت لها قرآن شوي .. ونزلت قعدت في الصالة قدام التلفزيون وهي تنتظر امها تكمل صلاة عشان تساعدها في طبخ العشاء .. بس نامت وهي قدام التلفزيون .. من التعب .. ولا حست بعمرها .. نزلت ام باسم من غرفتها .. وكسر خاطرها منظر بسيل وهي شلون نايمة .. تقربت منها .. وقعدت صوبها تقعدها من النوم عشان تروح غرفتها ..
ام باسم: يمه بسيل قومي روحي غرفتج ارتاحي
بسيل: يمه ما ابييي
ام باسم: قومي روحي ارتاحي .. هني بتتكسرين يا بنتي
وقومتها ام باسم بصعوبة .. واخذتها الى غرفتها .. ونزلت تجهز العشاء بروحها ..,,

اليوم اللي بعده بكون اكيد يوم مميز في حياة بسيل .. يمكن لأنها بتضيف في حياتها شي جديد .. وبتزيد مهماتها في اليوم .. وبتزيد اشغالها وواجبتها اللي المفروض تلتزم فيها ..,,
قعدت على صوت المنبه مع اذان الصبح ..
بسيل: آآآآه نمت وااااايد الظاهر .. قامت وصلت .. وقعدت تقرأ القرآن كعادتها .. لما طلعت الشمس .. طلعت من غرفتها وراحت إلى امها .. دقت عليها الباب ..,,
ام باسم: دخلي يمه
بسيل: شخبار الوررررده اليوم
ام باسم: بخير ووردتي آنه شلونها؟؟
بسيل: بخير دامج بخير ..
ام باسم: روحي تجهزي عشان تلحقين شغلج وآنه بروح اجهز الريوق
بسيل: في وقت يمه بجهز معاج الريوق وبعدها اتجهز للشغل ..
ام باسم قامت وراحت مع بسيل المطبخ وقعدوا يطبخون مع بعض للريوق .. وما بقى غير الحليب ..
ام باسم: يالله خلاص .. روحي تجهزي على ما اسوي آنه الحليب
بسيل: ان شاء الله يمه ..
وراحت بسيل اخذت لها شور سريع .. ولبست تنورة باللون الفوشي وعليه بدي باللون الفوشي الفاتح وعليه جاكيت من نفس قماش التنورة باللون الفوشي .. وحملت شنطتها الفوشية والشيله اللي فيها دمج بين درجتين الفوشي اللي هي لابستهم .. ولبست اكسسوارات خفيفه .. لأنها ما تحب تلفت الانتباه وايد .. وكانت بتنزل تحت بس مرت على غرفة باسل وقالت بتشوووفة ..
بسيل: بسوووووول قاعد والله نايم؟؟
باسل فتح لها الباب: لا قاعد وبنزل وياج بعد
بسيل: فديتك صباح الخيــر
باسل: صباح النور يا ويه النور انتي
بسيل: احم احم

ــــــ التوقيع ــــــ

...مقياس الشخص العظيم حقاً هو الإحترام الذي يتعامل به مع من هم دونه

قبل إضافــة أي موضوع... تفضل هنا
http://malakalwfa.forumw.biz/montada-f3/topic-t1.htm

اعزائي الأعضاء - لا تعتقد ان عدم رد المشرفين لموضوعك او لرد خاص بك هو تجاهل لك بل يمكن ان يكون هناك عضو اخر في حاجة ماسة للمساعدة - التميز ليس بكثرة المواضيع ولكن بمضمونها ومدى فائدتها - لا تجعل من الانسحاب خيار سهل تنحدر في طريقه &&نحن كادارة ومشرفين وجدنا لمساعدتكم فأنتم الحجر الاساسي لهذا المنتدى
الله يرحم طلال مداح

شرح طريقة تحميل الاغاني
الرجوع الى أعلى الصفحة اذهب الى الأسفل
ليلى
..
..
avatar

- - : الُحُبْ ليس كما رسمه الناس قلب يخترقه سهم الُحُبّ ينبع من القلب الى القلب الًحْبّ ذكرىوللذكرى امل وللامل حياه واجمل ما في الحياه انك تُحْبّ
. :
انثى
عدد الرسائل : 6364
العمر : 39
جنسيتك :
تاريخ التسجيل : 15/01/2008

مُساهمةموضوع: رد: قضايا قرأها الزمن قبل كتابتها كاملة الاجزاء   16.07.09 14:21

قصة روعه تسلم ايديك أختي ملاك الوفاء


على ها المجهود الرائع

وننتظر تتمة القصة

دمتي بصحة وسلامة يالغالية
الرجوع الى أعلى الصفحة اذهب الى الأسفل
ملاك الوفاء
الادارة
الادارة
avatar

- - :
لا صار حلمك في يد الوقت والناس
لا الناس تفرح لك ولا الوقت يرحم !
أغسل يدك من حلمك بموية اليـأس
وأهرب بلا حلمك .. عسى بس تسلم

. : حآآولت  أح ــبك زووود عن كل هالنآآسوأثري نــــ (س) ــــيت النآآٍس من زووود ح ــبك
انثى
عدد الرسائل : 30773
جنسيتك :
تاريخ التسجيل : 25/10/2007

مُساهمةموضوع: رد: قضايا قرأها الزمن قبل كتابتها كاملة الاجزاء   17.07.09 3:14


ــــــ التوقيع ــــــ

...مقياس الشخص العظيم حقاً هو الإحترام الذي يتعامل به مع من هم دونه

قبل إضافــة أي موضوع... تفضل هنا
http://malakalwfa.forumw.biz/montada-f3/topic-t1.htm

اعزائي الأعضاء - لا تعتقد ان عدم رد المشرفين لموضوعك او لرد خاص بك هو تجاهل لك بل يمكن ان يكون هناك عضو اخر في حاجة ماسة للمساعدة - التميز ليس بكثرة المواضيع ولكن بمضمونها ومدى فائدتها - لا تجعل من الانسحاب خيار سهل تنحدر في طريقه &&نحن كادارة ومشرفين وجدنا لمساعدتكم فأنتم الحجر الاساسي لهذا المنتدى
الله يرحم طلال مداح

شرح طريقة تحميل الاغاني
الرجوع الى أعلى الصفحة اذهب الى الأسفل
احساس
وسام الابداع
وسام الابداع
avatar

- - : الُحُبْ ليس كما رسمه الناس قلب يخترقه سهم الُحُبّ ينبع من القلب الى القلب الًحْبّ ذكرىوللذكرى امل وللامل حياه واجمل ما في الحياه انك تُحْبّ
. :
ذكر
عدد الرسائل : 373
العمر : 40
جنسيتك :
تاريخ التسجيل : 25/10/2007

مُساهمةموضوع: رد: قضايا قرأها الزمن قبل كتابتها كاملة الاجزاء   17.07.09 5:07

الرجوع الى أعلى الصفحة اذهب الى الأسفل
ملاك الوفاء
الادارة
الادارة
avatar

- - :
لا صار حلمك في يد الوقت والناس
لا الناس تفرح لك ولا الوقت يرحم !
أغسل يدك من حلمك بموية اليـأس
وأهرب بلا حلمك .. عسى بس تسلم

. : حآآولت  أح ــبك زووود عن كل هالنآآسوأثري نــــ (س) ــــيت النآآٍس من زووود ح ــبك
انثى
عدد الرسائل : 30773
جنسيتك :
تاريخ التسجيل : 25/10/2007

مُساهمةموضوع: رد: قضايا قرأها الزمن قبل كتابتها كاملة الاجزاء   17.07.09 6:21


ــــــ التوقيع ــــــ

...مقياس الشخص العظيم حقاً هو الإحترام الذي يتعامل به مع من هم دونه

قبل إضافــة أي موضوع... تفضل هنا
http://malakalwfa.forumw.biz/montada-f3/topic-t1.htm

اعزائي الأعضاء - لا تعتقد ان عدم رد المشرفين لموضوعك او لرد خاص بك هو تجاهل لك بل يمكن ان يكون هناك عضو اخر في حاجة ماسة للمساعدة - التميز ليس بكثرة المواضيع ولكن بمضمونها ومدى فائدتها - لا تجعل من الانسحاب خيار سهل تنحدر في طريقه &&نحن كادارة ومشرفين وجدنا لمساعدتكم فأنتم الحجر الاساسي لهذا المنتدى
الله يرحم طلال مداح

شرح طريقة تحميل الاغاني
الرجوع الى أعلى الصفحة اذهب الى الأسفل
 
قضايا قرأها الزمن قبل كتابتها كاملة الاجزاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ملاك الوفاء محمد :: واحه الادب والشعر والثقافه :: واحه الادب والشعر والثقافه :: سرديات-
انتقل الى: